Ako Bilang Anak-Gilline Ancheta

          Nung iniwan kame ng aking ama nung ako ay labing tatlong taong gulang natuto kameng magtinda ng hung ano-ano. Hindi namen inisip na mahiya dahil marangal naman ang pagtitinda. Tumulong kame sa aming ina na magtinda sa palengke, pati paglalako ng mga prutas ay naranasan nameng mag kakapatid. Labing anim na taong gulang pa lang ako at nasa ika apat na taon sa sekondarya ng una akong magtrabaho sa isang pabrika, maliit lang ang sahod dun pero masaya naman magtrabaho at lahat ng sinahod ko ay napunta sa aking ina. Nang ako ay makapag tapos ng sekondarya, huminto ako sa pag aaral dahil sa kakapusan ng pang pinansyal. Hinintay ko ang ika labing walong taon ko nag pasya akong mag aply sa isang siomai house. Binigay ko din ang lahat ng sahod ko sa aking ina. Hindi rin malaki ang sinhod ko dun. Kaya nagpasya ulit ako na mag aply sa ibang kompanya. Hanggang sa naging scooper ako ng SELECTA Ice cream. Nag umpisa akong makapag pundar ng mga gamit at nakatulong din ako sa puhunan ng aking ina sa kanyang tindahan. Naging maganda ang trabaho ko dun kaya nag tagal ako ng mahigit isang taon. Nang magpasya ang amo ko na tumigil sa negosyong yun, ay napilitan ako mag apply ulit sa ibang trabaho. Nakapasok ako sa SM Supermarket bilang merchandiser/butcher Nagtagal din ako dunng halos dalawang taon. Nakapag pundar ako ng mga gamit appliances dahil malaki ang sahod doon.

         Nag karoon pa ako ng iba't ibang trabaho, natuto ako na maging isang pushgirl (nag aalok ng mga produkto sa mga customer na dumadaan). Nang una nahihiya ako na mag push hanggang sa nasanay na ako at naging makapal ang mukha ko. Nasanay ako sa ganong trabaho kaya naging madali na sa akin ang pag pasok sa pagiging merchandiser/pushgirl. Sa loob ng anim na taon na pag tatrabaho ako sa ganun ay nakatulong ako sa aking ina at nakapag pundar ng ilang gamit para sa aming bahay. Nakatulong din ako sa mga pinansyal na gastusin. 

         Hindi din ako naging isang mabuting anak, nagrebelde ako aking magulang ng ako ay tumuntong ng dalawamput isa. Pero kahit nag rebelde ako sinigurado ko na nakapag bigay ako. Naging masaya ako na nakatulong ako sa aking ina sa pinansyal. Hindi din naging madali ang naging buhay namin mag kakapatid. Kaya nag sisikap kame sa araw-araw..