Isang umaga nagising si Julia na wala ang kanyang nobya, hindi sa namatay ito kundi
iniwan sya nitong na durugo ang kanyang puso. Lumipas ang ilang buwan ngunit
hindi nya pa rin ito nakakalimutan, nasa puso nya pa rin ang lalaki kahit na
niloko at iniwan sya nito. Para malibang siya inako nya sa kanilang presidente
ang pag aayos ng kanilang school I.D nang bigla syang tinawag ng kaklase nyang
lalaki na si Jeck na kinaiinisan nya at tinanong siya kung pwede ba munang
mahiram ang ID nya kahit wala pang pirma ito ng punong guro ng kanilang
eskwelahan. Iritang irita si Julia na sinagot ang kanyang kaklase ayaw nyang
ipahiram dito ang ID nito pero mapilit si Jeck kaya sa bandang huli pinahiram
na rin ni Julia dito ang ID nito gagamitin raw kasi ni Jeck ang ID nya para
makapag entrance exam sa eskwelahang kanyang napupusuan dahil sila ay malapit
ng makapagtapos ng hayskul. Lunes ng umaga ibinalik ni Jeck ang ID nya kay
Julia, bilang ganti ni Julia nagpasama sya kay Jeck sa opisina ng punong guro upang
magpapirma. Habang nag-hihintay sila na mawalan ng kausap ang punong guro
biglang nagsidaan ang mga dating kaklase ni Julia at inasar sila dahil
magkapangalan si Jeck at ang dating nobyo ni Julia. Hindi pinansin ni Julia ang
mga iyon ayaw nyang mag-paapekto sa mga sinabi ng kanyang mga dating kaklase.
Matapos nila mapapirmahan ay ibinigay na agad ni Julia ito sa kanilang
presidente. Nang dahil sa pagsama ni Jeck kay Julia noon nagkapalagayan sila ng
loob. Sinasakyan ni Julia ang mga biro ni Jeck ngunit para kay Jeck ay hindi
pala biro yun dahil noon pa man ay may gusto na siya kay Julia, hindi niya lang
maamin dahil yung mga panahon na iyon ay si Julia at ang dating kasintahan
nito. Hindi nag-aksaya ng panahon si Jeck, lagi silang nagpapadala ng mensahe
sa isa’t-isa sa pamamagitan ng makabagong teknolohiya. Mas lumalim pa ang
pagkagusto ni Jeck kay Julia kaya napagpasyahan niyang ligawan ito at di
nagtagal sinagot siya ni Julia.
Makalipas ang dalawang taon ay nanatili pa ring
magkasintahan si Julia at Jeck, madalas
man silang mag-away ngunit nabibigyan agad ito ng solusyon. Sa sobra nilang
pagmamahal sa isa’t-isa ay may nangyari na sa kanila, para sa kanila ay sila na
para sa isa’t-isa haggang dulo ngunit hindi pa dito natatapos ang hamon sa
kanilang relasyon dahil si Jeck ay lilipat nang ibang paaralan para matapos
niya ang kanyang kurso na abogasya. Ayaw man nilang magkalayo, wala silang
magagawa dahil mismong tatay ni Jeck ang nagpasya non at nagbantang paghihiwalayin
sila pag hindi sumunod si Jeck sa gusto ng kanyang ama at pangarap rin naman
nilang dalawa na makapagtapos, magkaroon ng magandang buhay at magkaroon ng
maraming anak. Lumipas ang ilang araw, ito na nga at aalis na Jeck patungo sa
kanyang lilipatang eskwelahan, hinatid siya ni Julia at mga magulang ni Jeck.
Iyak ng iyak si Julia kaya’t nilapitan siya ni Jeck upang ang punasan luha nito
at sinabi ni Jeck kay Julia na babalik siya agad sabay halik sa noon ni Julia.
Isang buwan ang makalipas natuklasan ni Julia na
nagdadalang tao siya hindi niya alam kung paano nya ito sasabihin kay Jeck at
sa mga magulang niya. Inilihim ni Julia kay Jeck na buntis siya para hindi
makaabala sa pag-aaral ni Jeck. Nasabi na ni Julia sa mga magulang nya at wala
silang magagawa kundi tanggapin si Julia. Matapos manganak ni Julia nagpahinga
siya ng ilang buwan upang mag-aral ulit at tapusin ang kurso na kinuha niya.
Nawalan na sila ng komunikasyon ni Jeck at
sinabi ng mga magulang nito kay Julia na may iba ng nobya si Jeck.
Nasasaktan man si Julia sa natuklasan pero wala siyang magagawa, hindi na siya
mahal ng lalaking nangako sa kanyang babalik agad at ang mga pangarap na sabay
nilang pinlano. Natapos ni Julia ang kurso niya, nagtratrabaho siya ngayon sa
isang kompanya para itaguyod ang anak niya. Samantalang si Jeck naman ay
nagpapakalasing dahil iniisip niya na kinalimutan na siya ni Julia.
Tatlong taon ang lumipas tapos ng mag aral si Jeck,
napagpasyahan ni Jeck na bumalik na nang Maynila upang doon magtrabaho at
inaasahan niya ring makikita niya si Julia. Pagdating ni Jeck sa bahay nila ay
nagkaroon ng kaunting salo-salo at nagpahinga na. Kinabukasan pumunta silang
mag-anak sa isang mall upang makapagbonding dahil ilang taon rin nawala si
Jeck. Habang kumakain silang mag-anak sa isang restaurant nang biglang nasipat
ng kanyang mga mata si Julia at may kasama itong batang lalaki. Iniisip niya na
ang batang lalaking kasama ni Julia ay
anak diumano nito. Matapos kumain ang
mag-ina ay paalis na agad ang mga ito kaya’t dali dali siyang nagpaalam sa
kanyang kamag-anak na may pupuntahan siya saglit. Sinundan niya ang kotse na
sinasakyan ng mag-ina hanggang sa huminto ito sa malaking bahay na tinitirahan
ng mag-ina. Tinitigan niya lang ang kwartong natatanaw niya hanggang sa
magdilim ang buong kabahayan, napagpasyahan niyang babalik siya sa bahay na
iyon bukas na bukas rin.
Kinabukasan nagmamadaling pumunta si Jeck sa bahay ni
Julia, hindi naman nabigo si Jeck sa pagpunta ng maaga dahil naabutan niya si
Julia na papalabas nang bahay upang pumunta na nang trabaho, tinawag niya si
Julia at nagkatitigan sila saglit. Sa kabilang banda gulat na gulat si Julia
dahil nasa harapan na niya ang lalaking minamahal niya hanggang ngayon, ang ama
ng kanyang anak. Pinapasok ni Julia si Jeck sa kanyang bahay habang nakaupo
sila sa mamahaling upuan ay hindi sila nag-iimikan hangga’t sa binasag na ni
Jeck ang katahimikang namamagitan sa kanila. Sinabi ni Jeck kay Julia kung paano
niya nalamang ditto ito nakatira at sa sobrang kuryosidad niya walang
pag-aatubiling tinanong niya agad si Julia kung anak nga ba ni Julia ang bata.
Inamin ni Julia na anak nga nya ito ngunit hindi niya alam kung paano sasabihin
kay Jeck na anak nila ito. Biglang bumaba ang batang lalaki galling sa
nilabasang kwarto nito at pupungas-pungas pa ng mata, lumapit siya agad sa
kanyang mommy Julia at tinanong kung sino ang lalaking nasa harapan nila. Hindi alam ni Julia kung ipakikilala nya sa
bata na ito ang kanyang daddy o ipakikilalang kaibigan niya noong hayskul. Sa
isang banda naisip ni Julia na may karapatan si Jeck na malaman na siya ang ama
ng bata ngunit nagdadalawang isip siya na sabihin ito dahil baka mabigla ang binata.
Sa kanyang kaiisip di niya namalayan na narinig pala ito ng kanyang kaharap. Sa
kanyang pagkagulat, di siya makapaniwala na isa na pala siyang ama. Tinitigan
niya ang bata sa harapan niya, hindi mapagkakailang anak niya nga ito dahil sa
pagkakahawig nila. Napaluha si Jeck at biglang niya itong niyakap at kinarga
ang batang si Xenon, habang ang bata naman ay tuwang-tuwa dahil nakita at
nakilala na niya ang kanyang ama. Hindi na nakapasok ng opisina si Julia at
ganoon narin si Jeck dahil narin sa magdamag silang nagkasiyahan at sa
pagkagiliw ni Xenon sa paglalaro sa isang palaruan, at dahil sa pagkapagod ng
batang si Xenon ay nakatulog ito sa braso ni Jeck.
Sa bahay, hinanap ni Jeck si Julia sa buong bahay at
nakita niya itong nakaupo sa labas ng hardin. Dali-dali niya itong pinuntahan
para kausapin patungkol sa kanilang anak na si Xenon. Hindi pa nakakapagsalita
si Jeck ay bigla nalang napaluha si Julia at nagkwento kung ano ang naging
dahilan ng pagkabuo ni Xenon at sa mga iba pang mga pangyayari. Humingi ng
tawad si Jeck sa mga pinagsasabi ng kanyang mga magulang patungkol sa kanya.
Sinabi rin ni Julia na kaya hindi na ito nasabi kay Jeck na siya ay nagdadalang
tao sapagkat alam niya na may pangarap si Jeck na makapagtapos sa kursong nais
nito. At pareho na silang lumuluha, dahil sa pagka-miss nila sa isa’t-isa.
Nangako si Jeck na hindi na siya lalayo sa kanyang mag-ina at ipaglalaban niya
ang mga ito hanggang sa kanyang huling hininga.
Walang komento:
Mag-post ng isang Komento