Buhay Irregular Student - Jane Mendoza
                  Mahirap na masaya ang maging isang iregular na mag - aaral. Mahirap sapagkat madaming conflict sa iskedyul. Minsan hindi mo kaya makipagsabayan sa klase . Madalas din na nahuhuli sa klase dahil sa mga pabago- bago. Idagdag pa ang pagkakasabay - sabay ng pagsusulit. Minsan may mga asignatura kang kailangan isakripisyo para sa isa pang asignatura na sa tingin ko ay mas mahalaga.
                  Masaya din naman dahil may mga bago kang nakikilala at nagiging kaibigan . Mas nadadagdagan yung lakas ng loob mo na makisalamuha sa ibang tao.
                   Isa akong iregular na mag - aaral. Lumipat ako sa " College of Arts and Sciences noong ako ay nasa ikalawang taon na. Nanggaling ako sa "College of Hospitality Management . Nagkaroon kami ng problema sa pera kaya kinailangan kong lumipat. Kumuha ako ng kursong " Industrial Psychology ayon na din sa kagustuhan namin ng Tita ko na siyang nagpapa-aral sa akin ngayon.Noong una sobrang hirap na hirap ako.Hindi ko alam kung paano magsisimula ulit .Hindi ko alam kung paano ako makikisalamuha sa mga bagong tao sa paligid ko. Nilakasan ko na lang ang loob ko at sa awa naman ng Diyos ay nakaya ko.
                    Lumipas ang ilang linggo at unti - unti na din akong nasasanay.Nararamdaman ko na yung pagtanggap ng mga tao sa akin.Ngayon sanay na ako. Madami na akong kaibigan. Natuto na din ako kung paano magdesisyon ng tama . Kung paano pahalagahan ang oras.