"Dilag na hindi matutularan Ninuman" - Mary Grace C. Compacion
"Marami sa atin ay naghahangad ng pag-yaman, subalit paano kung ang dahilan ng pagyaman mo ay hindi kaaya-ayang karanasan?"
Simula na ng paglubog ng araw, madaling-madali ako sa pag-uwi sapagkat
hindi ko na hihintaying magka-aberya sa mendiola dahilan sa hindi
pag-usad ng mga sasakyan. Ako si Liza, inosenteng dilag na may puspusang
pangarap at pagsusumikap. Bilang isang panganay, estudyante at
nagtatrabaho, bukal din sa aking puso ang tumulong sa aking mga magulang
sa pinansyal para sa pangaraw-araw naming pangangailangan.
Sa kalagitnaan ng trapiko rito sa Recto naisipan kong bumaba na lamang
at baybayin ang mga makukulay na mga bombilya rito. Bilang isang dilag
hindi na bago sa akin ang mga nakikita ko tuwing pag-gabi rito sa Recto.
Maraming nag-aabang na mga dilag at 'sing kapal ng semento kung
makapaglagay ng kanilang kolorete sa kani-kanilang mga mukha at maging
sa kanilang katawan, wari'y naghahanap ng pampainit sa kanyang katawan.
Sa hindi inaasahan napatulala ako't napaisip, paano kung ako ang nasa
sitwasyon ng babaeng ito? "Di ako matatanggap ng aking pamilya kapag
nalaman nilang ganito ako" Sagot ko na lamang.
(Pero makalipas ang ilang buwan)
Hindi ko lubusang maintindihan kung bakit binigyan ako ng mabigat na
pagsubok ng ating Kataas-taasan. Ang Ina ko ay kaawa-awang nakahimlay sa
kanyang higaan sapagkat sa kaniyang lubhang karamdaman na dinadala, at
ang Itay ay hindi ko rin lubos maintindihan kung bakit kami iniwan.
Samantala ang aking mga kapatid hindi naman maasahan sapagkat mga musmos
pa lamang at wala pang alam sa buhay.
Dahil hindi sapat
ang pera ko para tustusan ang mga pangangailangan sa bahay, wala akong
ibang naging desisyon kundi ang bumaybay sa Recto kung saan alam kong
mabilis ang pagdaloy ng pera sa aking mga kamay, napilitan akong gawin
ang lahat-lahat kahit na pa alam kong mali, alang-alang lamang sa aking
Ina.
(Makalipas pa ang ilang buwan)
"Totoo nga pala ang sinasabi nila, na isang beses mo lang subukan hindi mo na kayang pigilan" Para bang bisyo.
Tagapagsalaysay:
Si Liza isang babaeng inosente at sa kaniyang murang edad, napilitan
siyang gawin ang bawal. Ngunit siya'y tao lamang at natutukso rin sa
maraming bagay, malalaman natin ngayon na si Liza ay kumakapit parin sa
patalim para naman sa pag-aaral ng kaniyang mga kapatid at matustusan
lamang ang mga ito, habang siya matagal ng huminto sa pag-aaral at ang
mahal niyang Ina ay sumakabilang buhay na. Di naglaon din may lalaking nagpatibok sa kaniyang puso -lalaking ubod ng yaman at tinanggap ang buo niyang pagkatao hanggang sa ito'y naging kaniyang nakatuluyan.
"Sabi nga nila, hindi sa materyal na bagay o sa panlabas na katauhan mo makikita ang tunay na pagmamahal bagkus ito'y parang espiritu na hindi mo makikita, ito'y kusa mong nararamdaman at bukal sa iyong puso't isipan".
Pagtatapos
Walang komento:
Mag-post ng isang Komento