Gulong ng Buhay- Mayie San Mateo

Sabi nila ang buhay ay parang isang gulong na kung su’swertihin ka, ay nasa itaas tayo at kung hindi naman ay mararamdaman natin ang pagkasadlak natin sa lupa. Kagaya na lamang ng mga taong nalululong sa masamang bisyo. Marahil ay malaki ang suliraning kanilang dinadala o kinakaharap sa kasalukuyan, maaari ring ito’y minsan lamang nilang sinubukan ngunit hindi na maalis sa kanilang sistema at kinalaunan ay palagi nang hinahanap hanap ng kanilang katawan.

Si Angela, oh hindi ba ang ganda ng pangalan tila anghel kung tutuusin.  Isang ordinaryong babae, 22 taong gulang at pangalawa sa pitong magkakapatid. Sa tuwing mapapadaan kami sa tapat ng kanilang tahanan “Walang hiya ka talaga! Wala kang kwentang anak!” sigaw ni aling Lilybeth, ina ni Angela. “Bakit? May kwenta ka bang ina? “ Tugon naman ni Angela. Mga ilang ulit na rin namin naririnig ang ganitong sagutan sa pagitan ng mag-ina. Sanay na rin ang mga kapitbahay sa ganitong uri ng scenario sapagkat hindi na ito bago sa lugar namin. Nakakahiya mang sabihin ngunit normal na ito dito sa lugar na halos puro mga taong gumagamit ng ipinagbabawal na gamot ang naninirahan kabilang na an gating bida sa kwentong ito.

Kagaya ng aking sinabi tulad mo, tulad ko at tulad nating lahat ay nagmamahal din ang kagaya ni Angela. At nagkataon lamang na sa maling tao siya umibig. Bakit ko nasabing maling tao? “Tikman mo lang ito, kung talagang mahal mo ko susubukan mo. Diba mas maganda kung jamming tayo?” Sabi ni Christian, nobyo ni Angela. Tila nakaramdam siya ng hiya at galit sa sinabi nito, ngunit ‘di kalaunan ay sinubukan niya na ring gumamit ng ipinagbabawal na gamot kasama ang kanyang nobyo. ‘Di nagtagal ay halos araw-araw ay ganito ang kanilang ginagawa sapagkat sa iisang bubong na rin sila naninirahan at hindi na niya maialis ang ganitong gawain.  Tila hinahanap ng kanyang katawan ang epekto ng gamot dahil na rin sa kakaibang pakiramdam na idinudulot nito sa kanya. Parang nawawala ang lahat ng suliranin na kaniyang dinadala sa tuwing nasa ilalim siya ng nasabing gamot.

Lumipas ang mga araw, “Walang nhiya ka! Babaero ka! Binigay ko sa’yo lahat tapos heto ang iganganti mo sakin ?!! Magsama kayo ng babae mo!” sabi ni Angela sa nobyo sabay alis pabalik sa tahanan ng ina at doon naglagi ng ilang buwan.


Makalipas ang tatlong buwan ay nakilala naman niya si Bernard na isang family driver dito rin sa lugar naming. Hindi tulad ni Christian, ‘di hamak na mas matanda ito ng ilang taon kay Angela. Sa katunayan, 58 taong gulang na ang nasabing lalaki, biyudo at walang bisyo. Sinuyo siya at itinira sa maayos na tahanan. Binibigyan din siya nito ng salapi. “Okay lang sa akin ang gumastos mapasaya ka lang.” Tila seryoso ang matanda, “Salamat Bernar.” Tugon ni Angela. Sa hindi inaasahang pagkakataon ay bumalik si Christian at muli siyang sinusuyo. “Angela, bumalik ka na. Mahal na mahal kita at pinagsisisihan ko lahat ng nagawa ko.” Sabi nito, “Huli ka na, mahal ko si Bernard at hindi ko siya kayang saktan.” Sagot ni Angela. “Mahal mo nga pero mahal ka ba niya?” Patuloy ni Christian, na nagpatahimik kay Angela. Binalikan ni Angela si Christian ngunit kasabay nito ay hindi nya pa rin iniiwan si Bernard dahil sa mga nakukuha nitong salapi mula sa matanda. Ai ito din ang dahilan nang pagtatalo ng mag-ina.

Bumalik sa dating gawain ang magnobyo. (paggamit ng pinagbabawal na gamot.)
Hindi nagtagal ay nahuli sila ni Bernard na siyang naging dahilan uoang pumili si Angela sa kanilang dalawa. “Mamili ka Angela! ako o yang lalaking yan?” Tanong ni Bernard. “Patawarin mo ako pero mahal ko si Christian.” Sagot naman ni Angela. Pinili niya si Christian dahil na rin sa sobrang pagmamahal dito. Tama kaya ang naging desisyon ni Angela? Makakabuti nga ba para sa lahat ang naging desisyon niya?

Lumipas ang mga araw at buwan na ganun at ganun pa rin ang ginagawa nina Angela at Christian. Madalas magtalo ang dalawa lalo na kung parehong nasa ilalim ng ipinagbabawal na gamot.

Hanggang sa kasalukuyan ay marami pa ring ganitong mga eksena sa lugar naming. Hindi na rin ito bago para sa mga kapitbahay. Isinasawalang bahala na lang naming ito dahil maging ang mga alagad ng batas ay gumagamit din nito at kasabwat sa ganitong gawain. Kadalasan nga ay sila pa ang nag uumpisa nito.Masakit mang aminin ngunit ganito talaga dito sa bansa natin. May mga itinuturing na leader ngunit kadalasan ay sila pa ang pasimuno ng mga masasamang gawain na nagiging dahilan upang maging mahirap ang ating bansa.

Si Angela, isa lamang sa mga biktima ng maling desisyon at gawain. Marami pang iba na mas malala at mahirap bigyan ng solusyon. Mga biktima ng gulong ng kapalaran. Malay mo bukas nasa ibabaw na siya dahil makikita niya at maliliwanagan siya at tamang landas na ang pipiliin niya.