Bagong henerasyon,
bagong inspirasyon. Mga kabataang pag asa ng bayan, epektibo pa ba ito sa
ngayon?
Ikaw, ako, sila, tayo sa madaling sabi, ang kasalukuyang
henerasyon. Artista, teknolohiya, kasintahan, kaibigan, pamilya, pangarap,
Diyos at kung anu ano pa. Ito ang ilan sa mga inspirasyon ng henerasyon natin
sa ngayon. Ang mga karaniwang kabataan ay may inspirasyon gaya ng kanilang mga
iniidolo na artista, inspirasyon nila ito upang magaral mabuti at paminsan pa
man ay nagiging inspirasyon nila ito sa kanilang estilo ng pananamit, sumasaya
ang mga kabataang ito sa tuwing nasisilayan ang kanilang idolo mapa telebisyon
man o personal. Masaya sila sa tuwing may natatanggap na pagkilala o di kaya'y
na pifeature ang mga ito sa iba't - ibang programa. Tila naging malaking parte
na ng kanilang pang araw araw na buhay ang kani kanilang mga iniidolo. Ang iba
naman sa atin ay ginagawang inspirasyon ang teknolohiya gaya nalamang ng
telepono, computer, psp, atbp. Nakikita kong ito ang nagpapakigaya sa kanila,
karamihan sa atin ngayon ay hindi kayang mabuhay kung wala ang anilang sariling
cellphone. Pag kagising sa umaga ay ito kaagad ang inaatupag imbis na ang
magdasal. Malaking impact sa aming mga kabataan ang pag gamit nito. Ang iba ay
naadik sa mga video games, o online games katulad na lamang ng dota, karamihan
sa kabataang lalaki ngayon ay nahuhumaling dito, nakakalimutan na nilang kumain
sa tamang oras at paminsan pa nga'y nagagamit nila pang computer ang mga pera
na hindi dapat ginagastos doon. At gaya ng kasalukuyang ganap ang karamihan ay
naiinspire sa kanilang iniibig sapagkat ito ang nagbibigay ngiti sa kanilang
mga labi at nagbibigay dahil kung bakit kailangan nilang bumangon sa araw araw.
Pagmamahal na maituturing ang kanilang mga nadarama, nakakatuwang isipin na sa
murang edad ay natutunan na nila ang magmahal. Ang iba naman sa amin/ atin ay
inpirasyon ang kani kanilang mga kaibigan, mga kaibigang kasama na nila magmula
pa ng sila ay bata pa. Mga kaibigang maituturing na kapatid na. Mga kaibigang
nag inspayr sa kanila upang pagbutihan ang pag aaral nila. Mga kaibigang
msasabi mong totoo. Pamilya, isa ito sa mga pangunahing inspirasyon ng marami
sa atin. Nagsusumikap ang marami sa ating maka pagtapos ng pag aaral at
makakuha ng magandang trabaho nang sa gayon ay mabigyan ng magandang buhay ang
ating bawat pamilya. Sila ang ating lakas. Isa rin sa ating inspirasyon ay
ating mga pangarap. Nagsusumikap tayong mag aral mabuti para sa ating pangarap.
Pangarap na sana'y hindi lang hanggang pangarap. Diyos, ito ang ating top
priority sa ating inspirasyon, na kung hindi dahil sa Dakilang Ama ay hindi
tayo mangangarap. Nandiyan siya palagi upang tayo ay tulungan. Ako mismo sa
sarili ko, Siya ang aking pinaka unang insipirasyon kung bakit ako nag aarl
mabuti, Siya na aking lakas at ang aking lahat lahat.
Kay dami na nga ng mga pagbabagong nagaganap at mga bagay
sa ating bansa ngayon na kung saan ito ang nakikita kong malaking impluwensya
sa mga kabataan ngayon. Hindi naman masama magkaroon ng kung ano anong
inspirasyon ang sa akin lamang ay alamin natin ang ating mga limitasyon.
Walang komento:
Mag-post ng isang Komento